രണ്ടാഴ്ചയായി ജനം ദുരിതത്തില്‍
പെരുമ്പാവൂറ്‍: ആലാട്ടുചിറ മേഖലയില്‍ കുടിവെള്ളമില്ലാതെയും അകനാട്‌ മേഖലയില്‍ പാചകവാതകമില്ലാതെയും ജനം ദുരിതത്തില്‍.
കൂവപ്പടി ഗ്രാമപഞ്ചായത്തിലെ വടക്കമ്പിള്ളി, പനങ്കുരുത്തോട്ടം, ആലാട്ടുചിറ, മുണ്ടന്‍തുരുത്ത്‌ പ്രദേശങ്ങളിലാണ്‌ രണ്ടാഴ്ചയായി കുടിവെള്ളം ലഭിയ്ക്കാത്തത്‌. ചേരാനല്ലൂരിലെ ജപ്പാന്‍ കുടിവെള്ള പദ്ധതി പ്രകാരമാണ്‌ ഇവിടെ വെള്ളമെത്തിയ്ക്കുന്നത്‌. പൈപ്പ്‌ ലൈനുകളിലെ തകരാറുകള്‍ പരിഹരിയ്ക്കാത്തതാണ്‌ കുടിവെള്ളം മുടങ്ങാന്‍ കാരണമെന്ന്‌ പ്രദേശവാസികള്‍ പറയുന്നു. പല ഭാഗങ്ങളിലും പൈപ്പ്‌ ലൈന്‍ പൊട്ടി കുടിവെള്ളം പാഴാവുകയാണ്‌. ബന്ധപ്പെട്ടവരുടെ ശ്രദ്ധയില്‍ പെടുത്തിയിട്ടും തകരാറുകള്‍ പരിഹരിയ്ക്കാന്‍ നടപടിയില്ലെന്ന്‌ നാട്ടുകാര്‍ കുറ്റപ്പെടുത്തുന്നു.
മുടക്കുഴ ഗ്രാമപഞ്ചായത്തിലെ അകനാട്‌ മേഖലയിലാണ്‌ പാചകവാതകം ലഭിയ്ക്കാത്തത്‌. ഇവിടെ രണ്ടാഴ്ചയിലേറെയായി പാചകവാതക വിതരണം നടന്നിട്ട്‌. കൂവപ്പടി കേന്ദ്രമായി പ്രവര്‍ത്തിയ്ക്കുന്ന ഗ്യാസ്‌ ഏജന്‍സിയ്ക്കെതിരെ പരാതി നല്‍കാനുള്ള നീക്കത്തിലാണ്‌ നാട്ടുകാര്‍.
മംഗളം 1.2.2012
No comments:
Post a Comment