പെരുമ്പാവൂരുമായി ബന്ധപ്പെട്ട വാര്‍ത്തകള്‍ അറിയാന്‍ ഇമെയില്‍ വിലാസം താഴെ ചേര്‍ക്കൂ

Tuesday, June 30, 2009

ലാവ്ലിന്‍ അഴിമതിയ്ക്കെതിരെ സന്ധിയില്ലാതെ പോരാടും: രമേശ്‌ ചെന്നിത്തല

22.02.2009
പെരുമ്പാവൂറ്‍: ലാവ്ലിന്‍ അഴിമതിയ്ക്കെതിരെ സന്ധിയില്ലാത്ത സമരം നടത്തുമെന്ന്‌ കെ.പി.സി.സി പ്രസിഡണ്റ്റ്‌ രമേശ്‌ ചെന്നിത്തല. കേരള രക്ഷാമാര്‍ച്ചിന്‌ ടൌണിലെ വെജിറ്റബിള്‍ മാര്‍ക്കറ്റ്‌ കോംപ്ളക്സിനു മുന്നിലെ വേദിയില്‍ നല്‍കിയ സ്വീകരണത്തിന്‌ മറുപടി പറയുകയായിരുന്നു അദ്ദേഹം
ഇടതു ദുര്‍ഭരണം മൂലം കേരളത്തിലെ ജനങ്ങള്‍ തീഷ്ണമായ ജീവിത പ്രശ്നങ്ങളെയാണ്‌ അഭിമുഖീകരിയ്ക്കുന്നതെന്ന്‌ ചെന്നിത്തല ചൂണ്ടിക്കാട്ടി. വിലക്കയറ്റം മൂലം ജനം പൊറുതിമുട്ടി. നാടെങ്ങും അക്രമങ്ങളാണ്‌. ഇവ നിയന്ത്രിയ്ക്കേണ്ട പോലീസിനെ രാഷ്ട്രീയവത്കരിച്ചിരിയ്ക്കുന്നു. ഇതില്‍ നിന്നൊക്കെ ജനത്തെ രക്ഷിയ്ക്കുകയാണ്‌ കേരള രക്ഷാ മാര്‍ച്ചിണ്റ്റെ ലക്ഷ്യമെന്നും കെ.പി.സി സി പ്രസിഡണ്റ്റ്‌ വ്യക്തമാക്കി.
യു.ഡി.എഫ്‌ കണ്‍വീനര്‍ പി.പി തങ്കച്ചന്‍, ഐ.എന്‍.ടി.യു.സി ദേശീയ വൈസ്‌ പ്രസിഡണ്റ്റ്‌ രാമചന്ദ്ര എം.പി, കെ.സുധാകരന്‍ എം.എല്‍.എ, ഷാനിമോള്‍ ഉസ്മാന്‍, ലതിക സുരേന്ദ്രന്‍, മാന്നാര്‍ ലത്തീഫ്‌, ഹൈബി ഈഡന്‍, വി.എം സുധീരന്‍, ടി.എച്ച്‌ മുസ്തഫ, ടി.പി ഹസന്‍, ബെന്നി ബഹന്നാന്‍, വി.കെ ഐഷാബീവി ടീച്ചര്‍, സി.കെ ശശി തുടങ്ങിയവര്‍ പങ്കെടുത്തു.
വൈകിട്ട്‌ നാലുമണിയ്ക്ക്‌ എത്തുമെന്ന്‌ അറിയിച്ചിരുന്നെങ്കിലും എട്ടുമണിയോടെയാണ്‌ മാര്‍ച്ച്‌ ടൌണിലെത്തിയത്‌. അതുകൊണ്ടുതന്നെ സ്വീകരണ പരിപാടിയിലെ ജനപങ്കാളിത്തം നന്നേകുറയുകയും ചെയ്തു.

No comments: