മംഗളം 22.02.2010
അനധികൃത പാറമടകള്‍
പെരുമ്പാവൂറ്‍: അനധികൃത പാറമടകളില്‍ നിന്ന്‌ തലപുഞ്ച മഹാദേവ ക്ഷേത്രത്തെ സംരക്ഷിക്കണം എന്ന്‌ ആവശ്യപ്പെട്ട്‌ ഭക്തജനങ്ങള്‍ ദേവസ്വം ബോര്‍ഡിന്‌ നിവേദനം നല്‍കി.
ക്ഷേത്രത്തിണ്റ്റെ കിഴക്കുവശത്തുള്ള രണ്ടു പാറമടകള്‍ ഭക്തജനങ്ങള്‍ക്ക്‌ ഭീഷണിയാണെന്നു കാട്ടി കൊച്ചി ദേവസ്വം ബോര്‍ഡിനാണ്‌ നിവേദനം നല്‍കിയിട്ടുള്ളത്‌. അമ്പലകമ്മിറ്റിയുടെ നിലവിലുള്ള ഭാരവാഹികളും മുന്‍ ഭാരവാഹികളും ഉള്‍പ്പെടെ അറുപതോളം ഭക്തജനങ്ങള്‍ ഇതില്‍ ഒപ്പുവെച്ചിട്ടുണ്ട്‌. പാറമടയില്‍ നിന്ന്‌ ക്ഷേത്രവളപ്പിലേക്ക്‌ പാറക്കല്ലുകള്‍ തെറിച്ചുവീഴുന്നതായാണ്‌ പരാതി. ഇതു മൂലം ക്ഷേത്രത്തിനും ക്ഷേത്രവളപ്പില്‍ നട്ടുപിടിപ്പിച്ചിട്ടുള്ള തേക്കുമരം ഉള്‍പ്പെടെയുള്ള വൃക്ഷങ്ങള്‍ക്കും നാശം സംഭവിക്കുന്നു. തൊഴാനെത്തുന്ന ഭക്തജനങ്ങളുടെ ജീവനും പാറമട ഭീഷണിയാണ്‌. നാട്ടുകാരുടെ പരാതിയെ തുടര്‍ന്ന്‌ പാറമടകളുടെ പ്രവര്‍ത്തനം നിലവില്‍ നിര്‍ത്തിവച്ചിരിക്കുകയാണ്‌.2006ല്‍ ഇതേപോലെ നിര്‍ത്തിവെച്ച പാറമടയുടെ പ്രവര്‍ത്തനം നാട്ടുകാരുടെ ശ്രദ്ധ തെറ്റിയപ്പോള്‍ പുനരാംഭിക്കുകയായിരുന്നു. പാറമടയുടെ പ്രവര്‍ത്തനം പൂര്‍ണ്ണമായി അവസാനിപ്പിക്കാന്‍ ദേവസ്വം ബോര്‍ഡ്‌ ഇടപെടണമെന്നാണ്‌ ഭക്തജനങ്ങളുടെ ആവശ്യം.
No comments:
Post a Comment