പെരുമ്പാവൂര്‍: ബി.എസ്.എന്‍.എല്‍ ഫൈബര്‍ ടു ഹോം ബ്രോഡ്ബാന്റ് ഇന്‍ര്‍നെറ്റ് സേവനം ഇനി ടൗണിലും പരിസരങ്ങളിലും ലഭിയ്ക്കും.
ജിഗാബൈറ്റ് പാസീവ് ഓപ്റ്റിക്കല്‍ നെറ്റ്വര്‍ക്ക് സാങ്കേതികവിദ്യ ഉപയോഗിച്ചുള്ള സേവനമാണ് ഇത്. ഇതനുസരിച്ച് വോയ്‌സ്, ഡാറ്റ, വീഡിയോ സേവനങ്ങള്‍ ഇന്റര്‍നെറ്റ് വഴി കൂടുതല്‍ കാര്യക്ഷമതയോടെ ലഭ്യമാകും. വീടുകളിലേയ്ക്ക് ഇതുവരെ വലിച്ചിരുന്ന കോപ്പര്‍ ലൈനു പകരം ഓപ്റ്റിക്കല്‍ ഫൈബര്‍ കേബിള്‍ ഉപയോഗിക്കുന്നതാണ് ഇതിന്റെ പ്രത്യേകത. അതുകൊണ്ട് അപ് ലോഡും ഡൗണ്‍ലോഡും ഒരേ വേഗതയില്‍ ലഭ്യമാകും.
കൂടുതല്‍ കണക്ഷനുകള്‍ ഒരേ സമയം ഉപയോഗിക്കുന്ന അപ്പാര്‍ട്ടുമെന്റുകള്‍, വില്ലകള്‍, കോര്‍പ്പറേറ്റ് ഉപഭോക്താക്കള്‍ എന്നിവര്‍ക്കാണ് ഈ സേവനം കൂടുതല്‍ ഉപകാരപ്പെടുകയെന്ന് ടെലികോം ഡിവിഷണല്‍ എന്‍ജിനിയര്‍ കെ.കെ അയ്യപ്പന്‍ അറിയിച്ചു. ഒരു കേബിള്‍ ഉപയോഗിച്ച് 32 കണക്ഷന്‍ വരെ നല്‍കാനാകും.
സ്വകാര്യ കമ്പനികളെ അപേക്ഷിച്ച് കുറഞ്ഞ നിരക്ക് ഈടാക്കുന്ന ഈ സേവനത്തെപ്പറ്റി കൂടുതല്‍ അറിയാന്‍ താല്‍പര്യമുള്ളവര്‍ 9447404576 എന്ന നമ്പറില്‍ എസ്.എം.എസ് അയച്ചാല്‍ മതിയാകും.
മംഗളം 26.02.2013
No comments:
Post a Comment