പെരുമ്പാവൂരുമായി ബന്ധപ്പെട്ട വാര്‍ത്തകള്‍ അറിയാന്‍ ഇമെയില്‍ വിലാസം താഴെ ചേര്‍ക്കൂ

Wednesday, June 17, 2015

റോഡിന്റെ ശോചനീയാവസ്ഥ: കൂവപ്പടി പഞ്ചായത്ത് പ്രസിഡന്റിനെ ഉപരോധിച്ചു

പെരുമ്പാവൂര്‍: കൂവപ്പടി ചൈതന്യ റസിഡന്റ്‌സ് അസോസിയേഷന്റെ നേതൃത്വത്തില്‍ പഞ്ചായത്ത് പ്രസിഡന്റ് പി.വൈ പൗലോസിനെ ഉപരോധിച്ചു. തൊടാപ്പറമ്പ്-പിഷാരിക്കല്‍-പടിക്കലപ്പാറ റോഡ് സഞ്ചാരയോഗ്യമാക്കണമെന്ന് ആവശ്യപ്പെട്ടായിരുന്നു ഉപരോധം. 
രണ്ട് ബസ് സര്‍വ്വീസടക്കം സ്‌കൂള്‍ ബസുകളും മറ്റ് ധാരാളം വാഹനങ്ങളും ഈ റോഡില്‍കൂടി ദിനം പ്രതി സഞ്ചരിക്കുന്നതാണ്. കാല്‍നടയാത്രക്കാര്‍ക്കുപോലും യാത്ര ദുസഹമായിരിക്കുകയാണ്. എത്രയും വേഗം  ഈ റോഡ് സഞ്ചാരയോഗ്യമാക്കുന്ന കാര്യത്തില്‍ തീരുമാനം ഉണ്ടാകുമെന്ന് പ്രസിഡന്റ് പി.വൈ പൗലോസിന്റെ ഉറപ്പില്‍ ഉപരോധം അവസാനിപ്പിച്ചു.
അസോസിയേഷന്‍ പ്രസിഡന്റ് കെ.പി ബാബു ഉപരോധത്തിന് നേതൃത്വം വഹിച്ചു.

മംഗളം 17.06.2015


No comments: