പെരുമ്പാവൂര്‍: നിസ്സഹായനായി മകന്‍ നോക്കി നില്‍ക്കെ വൃദ്ധനായ പിതാവ് മുങ്ങിമരിച്ചു.
കോടനാട് വിരുത്തംകണ്ടത്തില്‍ ബാലൃഷ്ണന്‍ (67) ആണ് മരിച്ചത്. ഇന്നലെ രാവിലെ 6.30 നാണ് സംഭവം. തലേദിവസം രാത്രി പാടത്ത് കെട്ടിയിരുന്ന പോത്തിനെ വെള്ളം കയറിയതിനാല്‍ അഴിച്ചുവിടാന്‍ മകനൊപ്പം ചെന്നപ്പോഴായിരുന്നു ദുരന്തം. ബാലകൃഷ്ണന്‍ പാടത്ത് നിറഞ്ഞ വെള്ളത്തില്‍ നീന്തിചെല്ലുന്നതിനുനുമ്പ് തന്നെ ആരോ പോത്തിനെ അഴിച്ചു വിട്ടിരുന്നു. തിരിച്ച് നീന്തികയറാന്‍ ശ്രമിക്കുന്നതിനെടെ കൈകാലുകള്‍ കുഴഞ്ഞുപോയ ബാലകൃഷ്ണന്‍ വെള്ളത്തില്‍ മുങ്ങിത്താഴുകയായിരുന്നു. ഒപ്പമുണ്ടായിരുന്ന മകന്‍ സജീവന്റെ നിലവിളികേട്ട് ഓടിക്കൂടിയ നാട്ടുകാര്‍ക്കും ഒന്നും ചെയ്യാന്‍ കഴിഞ്ഞില്ല. പിന്നീട് ഫയര്‍ ഫോഴ്‌സും കോടനാട് പോലീസും സ്ഥലത്തെത്തി. മുങ്ങല്‍ വിദഗ്ധന്‍ ഒക്കല്‍ ഞെഴുങ്ങന്‍ വീട്ടില്‍ സ്റ്റീഫന്‍ എത്തിയാണ് ഉച്ചയ്ക്ക് ഒന്നരയോടെ മൃതദേഹം കണ്ടെടുത്തത്. സംസ്‌കാരം രാവിലെ 9.30-ന് വീട്ടുവളപ്പില്‍. ഭാര്യ: ലീല. മക്കള്‍: സന്ദീപ്, സജീവ്, സുമി. മരുമക്കള്‍: മരുമക്കള്‍: സിജോയ്, സുമി, അനു.
മംഗളം 6.08.2013
No comments:
Post a Comment