Thursday, December 25, 2008

തീ കൊടുത്തില്ല ;വ്യാപാരിയുടെ തലയ്ക്ക്‌ കല്ലിനിടിച്ചു

5.12.2008
പെരുമ്പാവൂറ്‍: സിഗരറ്റ്‌ വലിയ്ക്കാന്‍ തീ ആവശ്യപ്പെട്ടിട്ട്‌ കൊടുക്കാത്തതില്‍ ക്ഷുഭിതനായി വ്യാപാരിയെ കല്ലിനിടിച്ചു പരുക്കേല്‍പ്പിച്ചു. ഇതില്‍ പ്രതിഷേധിച്ച്‌ വെള്ളിയാഴ്ച ഉച്ചകഴിഞ്ഞ്‌ മണ്ണൂറ്‍ കവലയില്‍ വ്യാപാരികള്‍ കടകളടച്ചു പ്രതിഷേധിച്ചു.
വ്യാപാരി വ്യവസായി ഏകോപന സമിതി മണ്ണൂറ്‍ യൂണിറ്റ്‌ മുന്‍ പ്രസിഡണ്റ്റും നാഗാര്‍ജുന ഔഷധശാല മണ്ണൂറ്‍ ശാഖയുടെ ഉടമയുമായ കുന്നത്തോളി കുന്നത്തുവീട്ടില്‍ കെ.കെ മത്തായി (65) യ്ക്കാണ്‌ പരുക്കേറ്റത്‌. കുന്നത്തോളി പാറേക്കുടി ജോര്‍ജ്‌ (55) ആണ്‌ രാവിലെ തീ ചോദിച്ചെത്തിയത്‌. തീ കൊടുക്കാന്‍ തയ്യാറാവാത്തതിനെ തുടര്‍ന്ന്‌ ജോര്‍ജ്‌ പുറത്തുകിടന്ന കരിങ്കല്ല്‌ എടുത്തുകൊണ്ടുവന്ന്‌ മത്തായിയെ ആക്രമിയ്ക്കുകയായിരുന്നു. ഗുരുതരമായി പരുക്കേറ്റ വ്യാപാരിയെ മൂവാറ്റുപുഴ നിര്‍മ്മല ആശുപത്രിയില്‍ പ്രവേശിപ്പിച്ചു. കുന്നത്തുനാട്‌ പോലീസ്‌ കേസെടുത്തു.

No comments: