പെരുമ്പാവൂറ്‍: മുടക്കുഴ ഗ്രാമപഞ്ചായത്തിലെ മീമ്പാറയില്‍ തെരുവ്‌ നായ്ക്കളുടെ ശല്യം വ്യാപകം. സംഘം ചേര്‍ന്നുള്ള നായ്ക്കളുടെ ആക്രമണത്തില്‍ ആറ്‌ ആടുകള്‍ക്ക്‌ ജീവഹാനി. പ്രദേശത്തെ നിരവധി വളര്‍ത്തുമൃഗങ്ങള്‍ക്ക്‌ ആക്രമണത്തില്‍ പരുക്കേറ്റിട്ടുമുണ്ട്‌.
മീമ്പാറ കീച്ചേരി എല്‍ദോയുടെ മൂന്ന്‌ ആടുകളും പുളിയ്ക്കല്‍ കുഞ്ഞിത്തൊമ്മണ്റ്റെ രണ്ട്‌ ആടുകളും നാളോത്തുകുടി കുമാരണ്റ്റെ ഒരാടുമാണ്‌ ചത്തത്‌. നാലു നായ്ക്കള്‍ സംഘം ചേര്‍ന്ന്‌ ഇവയെ ആക്രമിയ്ക്കുകയായിരുന്നുവെന്ന്‌ വീട്ടുകാര്‍ പറയുന്നു. മറ്റ്‌ നിരവധി വളര്‍ത്തുമൃഗങ്ങള്‍ക്കും നായ്ക്കളുടെ ആക്രമണത്തില്‍ പരുക്കുണ്ട്‌. അലഞ്ഞുതിരിയുന്ന നായ്ക്കളില്‍ പലതിനും പേയുണ്ടെന്ന്‌ നാട്ടുകാര്‍ പറയുന്നു. നായ്ക്കള്‍ക്കെതിരെ പരാതി നല്‍കാനുള്ള തയ്യാറെടുപ്പിലാണ്‌ പ്രദേശവാസികള്‍.
No comments:
Post a Comment