പെരുമ്പാവൂര്‍: പുല്ലുവഴി ജയകേരളം ഹയര്‍ സെക്കന്ററി സ്‌കൂളിന് മുന്നിലുള്ള ഒരു നൂറ്റാണ്ടിലേറെ പ്രായമുള്ള പേരാല്‍ മുത്തച്ഛന് വധഭീഷണി.
ശിഖരങ്ങളും താങ്ങുവേരുകളും മുറിച്ചുമാറ്റി മരത്തെ കൊലയ്ക്കു കൊടുക്കുന്നതിനെതിരെ സ്‌കൂളിലെ നേച്ചര്‍ ക്ലബ് അംഗങ്ങളാണ് രംഗത്തുവന്നിട്ടുള്ളത്.
പേരാലിന്റെ താങ്ങുവേരുകളുടെ എണ്ണവും വലിപ്പവുമാണ് അതിന്റെ കാലപ്പഴക്കം നിര്‍ണ്ണയിക്കുവാന്‍ സഹായിക്കുന്നത് എന്നിരിക്കെ അവ നീക്കം ചെയ്തവര്‍ ഗുരുതരമായ കുറ്റകൃത്യമാണ് ചെയ്തിരിക്കുന്നതെന്ന് നേച്ചര്‍ ക്ലബ് ഭാരവാഹികള്‍ പറഞ്ഞു.
ആയിരം പുത്രന്‍മാര്‍ക്ക് സമമാണ് ഒരു മരം എന്ന വസ്തുത ഉള്‍ക്കൊണ്ട് വനവല്‍ക്കരണം ദ്രുതഗതിയില്‍ നടക്കുന്ന ഘട്ടത്തിലാണ് അമൂല്യമായ ഈ തണല്‍ മരത്തിനുമേല്‍ കോടാലി വീഴുന്നത്. ഇതിനെതിരെ ആല്‍ചുവട്ടില്‍ ഒത്തുകൂടിയ വിദ്യാര്‍ത്ഥികള്‍ വൃക്ഷ സംരക്ഷണ പ്രതിജ്ഞ എടുത്താണ് പിരിഞ്ഞതെന്ന് സ്‌കൂള്‍ പ്രിന്‍സിപ്പാള്‍ ജ്യോതിഷ് കുമാര്‍ എസ് അറിയിച്ചു.
മംഗളം 25.06.2014
1 comment:
വളരെ നല്ല കാര്യം!! കുട്ടികളെ പറ്റി അഭിമാനം തോന്നുന്നു.
Post a Comment