പെരുമ്പാവൂരുമായി ബന്ധപ്പെട്ട വാര്‍ത്തകള്‍ അറിയാന്‍ ഇമെയില്‍ വിലാസം താഴെ ചേര്‍ക്കൂ

Thursday, April 18, 2013

പി.ജി സ്‌കൂള്‍ ഓഫ് തോട്ട്‌സ്: ആലോചനയോഗം ചേര്‍ന്നു

പെരുമ്പാവൂര്‍: പുല്ലുവഴി പബ്ലിക് ലൈബ്രറിയുടെ പ്ലാറ്റിനം ജൂബിലി ആഘോഷങ്ങളുടെ ഭാഗമായി പി ഗോവിന്ദപ്പിള്ള സ്‌കൂള്‍ ഓഫ് തോട്ട്‌സ് രൂപീകരണം സംബന്ധിച്ച് ആലോചനായോഗം ചേര്‍ന്നു. 
അറിവിന്റെ ആള്‍രൂപമായിരുന്ന പി.ജിയുടെ സ്മരണയ്ക്കായി അദ്ദേഹത്തിന്റെ സ്വന്തം നാട്ടിലെ വായനശാലയിലാണ് ഈ സംരഭം തുടങ്ങുന്നത്. ശാസ്ത്രീയമായ സാമൂഹ്യ ചരിത്ര പഠനത്തിനും രാഷ്ട്രീയ വിദ്യാഭ്യാസത്തിനും പ്രാധാന്യം കൊടുത്തുകൊണ്ടുള്ള കര്‍മ്മ പദ്ധതികള്‍ ആവിഷ്‌ക്കരിക്കുക. വായനയുടെയും വിജ്ഞാനദാഹത്തിന്റെയും പി.ജി മാതൃക പ്രവൃത്തി പഥത്തിലെത്തിക്കുക തുടങ്ങിയവയാണ് സംരംഭത്തിന്റെ ലക്ഷ്യമെന്നും വായനശാല സെക്രട്ടറി സതീഷ് ബാബു അറിയിച്ചു.
മെയ് 10, 11, 12 തീയതികളില്‍ നടക്കുന്ന ജൂബിലി ആഘോഷ സമാപനത്തോടനുബന്ധിച്ചായിരിക്കും പി.ജി സ്‌കൂള്‍ ഓഫ് തോട്ട്‌സിന് തുടക്കം കുറിക്കുക. 
ഇതിന്റെ മുന്നോടിയായി വിപുലമായ അഭിപ്രായ സര്‍വ്വെ നടത്താനും ആലോചനയോഗം തീരുമാനിച്ചു.

മംഗളം 18.04.2013




No comments: