മംഗളം (5.01.10)
പെരുമ്പാവൂറ്‍: വെങ്ങോല ഗ്രാമപഞ്ചായത്തിലെ വാര്‍ഡു വിഭജനത്തില്‍ അപാകതയെന്ന്‌ ആക്ഷേപം.
സര്‍ക്കാര്‍ ഉത്തരവുകള്‍ക്ക്‌ വിഭിന്നമായി രാഷ്ട്രീയ താത്പര്യപ്രകാരമാണ്‌ വാര്‍ഡു വിഭജനം എന്ന ആരോപണവുമായി കോണ്‍ഗ്രസ്‌ വെങ്ങോല മണ്ഡലം കമ്മറ്റിയാണ്‌ രംഗത്ത്‌ എത്തിയിരിക്കുന്നത്‌. എല്‍.ഡി.എഫ്‌ ഭരണത്തിലുള്ള ഈ പഞ്ചായത്തില്‍ നിലവില്‍ 22 വാര്‍ഡുകളാണ്‌ ഉള്ളത്‌. പുതിയ വിഭജനത്തോടെ അത്‌ ഇരുപത്തി മൂന്നായി മാറും. ഗ്രാമപഞ്ചായത്തിലെ ആകെ വീടുകളുടെ എണ്ണത്തെ വാര്‍ഡുകളുടെ എണ്ണം കൊണ്ട്‌ ഹരിച്ചാണ്‌ ഒരോ വാര്‍ഡിലും എത്ര വീട്ടുകാര്‍ വേണമെന്ന്‌ നിശ്ചയിക്കേണ്ടത്‌. ഹരിച്ചു കിട്ടുന്ന ശരാശരിയില്‍ നിന്ന്‌ പത്തു ശതമാനം കൂടുകയോ കുറയുകയോ ചെയ്യാം. എന്നാല്‍ ഈ കണക്കുകളൊന്നും വെങ്ങോലയില്‍ ബാധകമായിട്ടില്ലെന്ന്‌ പ്രതിപക്ഷ നേതാവ്‌ എല്‍ദോ മോസസ്‌ കുറ്റപ്പെടുത്തുന്നു. വാര്‍ഡുകള്‍ക്ക്‌ നല്‍കിയിരിക്കുന്ന അതിര്‍ത്തികളും അതില്‍ ഉള്‍ക്കൊണ്ടിരിക്കുന്ന വീട്ടു നമ്പറുകളും വ്യത്യസ്തമാണ്‌. ഇതിനെതിരെയുള്ള ആക്ഷേപം ഉന്നയിക്കാനായി പുതിയ വീട്ടു നമ്പറുകളുടെ ലിസ്റ്റ്‌ ആവശ്യപ്പെട്ടപ്പോള്‍ അത്‌ ലഭ്യമല്ലെന്നായിരുന്നു ബന്ധപ്പെട്ടവരുടെ മറുപടി.
വാര്‍ഡു വിഭജനത്തിലെ ക്രമക്കേടുകള്‍ക്ക്‌ എതിരെ വെങ്ങോല മണ്ഡം പ്രസിഡണ്റ്റ്‌ വി.എം ഹംസയും പ്രതിപക്ഷ നേതാവ്‌ എല്‍ദോ മോസസും ജില്ലാ കളക്ടര്‍ക്ക്‌ പരാതി നല്‍കിയിട്ടുണ്ട്‌.
No comments:
Post a Comment