പെരുമ്പാവൂരുമായി ബന്ധപ്പെട്ട വാര്‍ത്തകള്‍ അറിയാന്‍ ഇമെയില്‍ വിലാസം താഴെ ചേര്‍ക്കൂ

Friday, January 22, 2010

പ്രേംജി എച്ച്‌ പട്ടേല്‍ വൈസ്‌ ചെയര്‍മാന്‍; എല്‍.ഡി. എഫില്‍ പിന്നെയും ഭിന്നത

മംഗളം 12.1.10
യു.ഡി.എഫിനൊപ്പംപി.ഡി.പി
പെരുമ്പാവൂറ്‍: നഗരസഭയില്‍ എല്‍.ഡി.എഫ്‌ ഭിന്നത മുതലെടുത്ത്‌ യു ഡി എഫിണ്റ്റെ പ്രേംജി എച്ച്‌ പട്ടേല്‍ വൈസ്‌ ചെയര്‍മാനായി തെരഞ്ഞെടുക്കപ്പെട്ടു. സി.പി.എം-സി.പി.ഐ ചേരിപ്പോര്‌ വീണ്ടും മറനീക്കിയതോടെ യു.ഡി.എഫിന്‌ അനായാസ വിജയത്തിന്‌ വഴിയൊരുങ്ങുകയായിരുന്നു.
സി.പി.എമ്മിണ്റ്റെ സ്ഥാനാര്‍ത്ഥി രാജശ്രീ പ്രേകുമാറിന്‌ 8 വോട്ടുകള്‍ ലഭിച്ചപ്പോള്‍ പ്രേംജിയ്ക്ക്‌ 5 വോട്ടുകളുടെ ഭൂരിപക്ഷത്തില്‍ 13 വോട്ടുകളോടെ വൈസ്‌ ചെയര്‍മാന്‍ കസേരയൊരുങ്ങി. സി.പി.ഐയുടെ രണ്ട്‌ കൌണ്‍സിലര്‍മാരും, അവിശ്വാസത്തിലൂടെ വൈസ്‌ ചെയര്‍മാന്‍ സ്ഥാനത്തു നിന്ന്‌ പുറത്തായ ഇ എസ്‌ സുഗുണനും വോട്ടെടുപ്പില്‍ നിന്ന്‌ വിട്ടു നിന്നു. ഇരുപത്തിനാല്‌ അംഗ കൌണ്‍സിലാണ്‌ ഇവിടെയുള്ളത്‌. ഇതില്‍ യു.ഡി.എഫിന്‌ 12 സീറ്റും എല്‍.ഡി.എഫിന്‌ 10 സീറ്റുമാണ്‌ ഉള്ളത്‌. ആദ്യം യു ഡി എഫിനൊപ്പമായിരുന്ന പി ഡി പി പിന്നീട്‌ മറുപക്ഷത്തിനൊപ്പം ചേര്‍ന്നിരുന്നു. എന്നാല്‍ ഇന്നലെ വീണ്ടും കളം മാറി.
നഗരസഭ പിടിയ്ക്കാനായി സ്വതന്ത്രനായ ഇ എസ്‌ സുഗുണനെ വൈസ്ചെയര്‍മാന്‍ പദവി നല്‍കിയ യു ഡി എഫ്‌ ഉപതെരഞ്ഞെടുപ്പിലൂടെ ഭൂരിപക്ഷം ലഭിച്ച ഘട്ടത്തില്‍ അദ്ദേഹത്തെ തള്ളുകയായിരുന്നു. സുഗുണനെ പുറത്താക്കാന്‍ കൂടെ നിന്ന സി പി ഐ ഇന്നലെ നടന്ന തെരഞ്ഞെടുപ്പിലും യു.ഡി.എഫിന്‌ അനുകൂല സാഹചര്യം ഒരുക്കി. സി.പി.എമ്മാകാട്ടെ ആദ്യം സുഗുണനെതിരെ അവിശ്വാസം കൊണ്ടുവന്ന്‌ പരാജയപ്പെടുകയും പിന്നീട്‌ യു.ഡി.എഫ്‌ അതേ വ്യക്തിയ്ക്ക്‌ എതിരെ കൊണ്ടുവന്ന അവിശ്വാസത്തെ പിന്തുണയ്ക്കാതെ വിട്ടു നില്‍ക്കുകയും ചെയ്തു. ചുരുക്കത്തില്‍, ഇത്തവണ വൈസ്‌ ചെയര്‍മാന്‍ സ്ഥാനത്തിനു വേണ്ടിയുള്ള ആഭ്യന്തര പിടിവലിയ്ക്കപ്പുറം യു.ഡി.എഫിന്‌ പ്രതിപക്ഷത്തെ ഭയക്കേണ്ടിവന്നില്ല.

No comments: