മംഗളം 21.01.10
പെരുമ്പാവൂറ്‍: വെങ്ങോല ഗ്രാമപഞ്ചായത്തിണ്റ്റെ പടിഞ്ഞാറന്‍ മേഖലയില്‍ വൈദ്യുതി മുടക്കം പതിവായെന്ന്‌ പരാതി.
അനേകം ക്രഷര്‍ യൂണിറ്റുകള്‍ പ്രവര്‍ത്തിക്കുന്ന ഇവിടെ വൈദ്യുതി തടസം പ്രതിസന്ധിയുണ്ടാക്കുന്നതായി ക്രഷര്‍ ഓണേഴ്സ്‌ അസോസിയേഷന്‍ പരാതിപ്പെടുന്നു. കഴിഞ്ഞ കുറെ മാസങ്ങളായി എല്ലാ വ്യാഴാഴ്ചയും രാവിലെ മുതല്‍ വൈകിട്ട്‌ വരെ വെസ്റ്റ്‌ വെങ്ങോല ഭാഗത്തും പരിസരങ്ങളിലും കറണ്റ്റ്‌ പോകുന്നത്‌ പതിവായിരിക്കുകയാണ്‌. ട്രഷര്‍ യൂണിറ്റുകള്‍ ഞായറാഴ്ചകളില്‍ പ്രവര്‍ത്തിയ്ക്കുവാന്‍ നാട്ടുകാര്‍ സമ്മതിക്കുകയില്ല. ഫലത്തില്‍ ഇപ്പോള്‍ വ്യാഴാഴ്ചയും ഞായറാഴ്ചയും ക്രഷറുകള്‍ വര്‍ക്ക്‌ ചെയ്യാന്‍ പറ്റാതെ മാസത്തില്‍ എട്ടുദിവസം അടച്ചിടേണ്ട ദുരവസ്ഥയാണ്‌.
ഈ സ്ഥിതി തുടര്‍ന്നാല്‍ ചെറുകിട ക്രഷര്‍ മേഖല വളരെ പ്രതിസന്ധിയിലായി തീരുമെന്ന്‌ അസോസിയേഷന്‍ ഭാരവാഹികള്‍ ചൂണ്ടിക്കാട്ടി. കെ.എസ്‌.ഇ.ബി വാഴക്കുളം സെക്ഷനു കീഴിലുള്ള ഇവിടെ കിഴക്കമ്പലത്ത്‌ നിന്നാണ്‌ വൈദ്യുതി വിതരണം. ഇടദിവസങ്ങളില്‍ വൈദ്യുതി വിതരണം ഓഫ്‌ ചെയ്യുന്നത്‌ അന്വേഷിച്ച്‌ നടപടി എടുക്കണമെന്നും അത്യാവശ്യ അറ്റകുറ്റപ്പണികള്‍ ഞായറാഴ്ചകളില്‍ ചെയ്ത്‌ ക്രഷറുകള്‍ക്ക്‌ പുറമെ പ്ളൈവുഡ്‌, ഹോളോബ്രിക്സ്‌ യൂണിറ്റുകളടക്കം അനേകം ചെറുകിട വ്യവസായങ്ങള്‍ സ്ഥിതിചെയ്യുന്ന ഈ പ്രദേശത്തെ വൈദ്യുതി പ്രതിസന്ധിക്ക്‌ അടിയന്തിര പരിഹാരം ഉണ്ടാകണമെന്നും അസോസിയേഷന്‍ കെ എസ്‌ ഇ ബിയ്ക്ക്‌ നല്‍കിയ പരാതിയില്‍പ്പറയുന്നു.
No comments:
Post a Comment