Monday, July 16, 2012

സൂപ്പര്‍വൈസറുടെ മരണം: അന്വേഷണം ക്രൈംബ്രാഞ്ച്‌ ഏറ്റെടുത്തു

കുറുപ്പംപടി: ആറുമാസം മുമ്പ്‌ വേങ്ങൂ ര്‍  കോഴിക്കോട്ടുകുളങ്ങരയില്‍ റബര്‍ എസ്റ്റേറ്റ്‌ സൂപ്പര്‍വൈസര്‍ എസ്റ്റേറ്റ്‌ ബംഗ്ളാവ്‌ മുറ്റത്ത്‌ വെട്ടേറ്റുമരിച്ച സംഭവത്തിണ്റ്റെ അന്വേഷണം ക്രൈംബ്രാഞ്ച്‌ ഏറ്റെടുത്തു.
ലോക്കല്‍ പോലീസിണ്റ്റെ അന്വേഷണത്തില്‍ തെളിവുകള്‍ കണ്ടെത്താന്‍ കഴിയാത്തതിനാലാണ്‌ കേസ്‌ ക്രൈബ്രാഞ്ച്‌ ഏറ്റെടുത്തത്‌. രാജാക്കാട്‌ പൊന്‍മുടി പന്ന്യാര്‍കുട്ടി അമ്പഴത്താനാലില്‍ തോമസിണ്റ്റെ മകന്‍ ടിനു തോമസി (29) നെ ജനുവരി 22-നാണ്‌ ഹില്‍വ്യൂ റബര്‍ എസ്റ്റേറ്റിണ്റ്റെ ബംഗ്ളാവ്‌ മുറ്റത്ത്‌ വെട്ടേറ്റു മരിച്ച നിലയില്‍ കണ്ടത്‌. സ്ഥലപരിശോധനയും നിരവധിപേരെ ചോദ്യം ചെയ്യലും നടത്തിയെങ്കിലും നിര്‍ണ്ണായക തെളിലുകളൊന്നും ലഭിച്ചില്ല. ഇതേതുടര്‍ന്ന്‌ ലോക്കല്‍ പോലീസിണ്റ്റെ ആവശ്യപ്രകാരമാണ്‌ ക്രൈംബ്രാഞ്ച്‌ കൊച്ചി വിങ്ങ്‌ അന്വേഷണം ഏറ്റെടുത്തത്‌. അന്വേഷണ സംഘം ഒരു പ്രാവശ്യം സ്ഥലത്തെത്തി പരിശോധിച്ചു.
 ലോക്കല്‍ പോലീസിണ്റ്റെ കൈവശമുള്ള അന്വേഷണ ഫയലുകള്‍ ക്രൈംബ്രാഞ്ചിന്‌ കൈമാറി. കുറുപ്പംപടി സി.ഐ ക്രിസ്പിന്‍ സാമിണ്റ്റെ നേതൃത്വത്തിലായിരുന്നു ആദ്യ അന്വേഷണം. തെളിവുകള്‍ കണ്ടെത്താന്‍ ഈ കേസില്‍ മാത്രം കൂടുതല്‍ ശ്രദ്ധ ചെലുത്തണമായിരുന്നു. എന്നാല്‍, ഇതിനുള്ള സമയവും പോലീസുകാരും ഇല്ലാത്തതിനാല്‍ അന്വേഷണം ക്രൈംബ്രാഞ്ച്‌ ഏറ്റെടുക്കണമെന്ന്‌ ലോക്കല്‍ പോലീസ്‌ തന്നെ ആവശ്യപ്പെടുകയായിരുന്നു. 
മലയാള മനോരമ 16.07.2012

No comments: