പെരുമ്പാവൂരുമായി ബന്ധപ്പെട്ട വാര്‍ത്തകള്‍ അറിയാന്‍ ഇമെയില്‍ വിലാസം താഴെ ചേര്‍ക്കൂ

Thursday, July 12, 2012

വാഴക്കുളം ഗ്രാമപഞ്ചായത്തിലെ ഭരണ സ്തംഭനത്തിനെതിരെ ബഹുജന മാര്‍ച്ച്‌ നടത്തി

പെരുമ്പാവൂര്‍: വാഴക്കുളം ഗ്രാമപഞ്ചായത്തിലെ ഭരണ സ്തംഭനത്തിനെതിരെ എല്‍.ഡി. എഫ്‌ പഞ്ചായത്ത്‌ ഓഫീസിലേയ്ക്ക്‌ ബഹുജന മാര്‍ച്ച്‌ നടത്തി. തുടര്‍ന്ന്‌ നടന്ന ഉപരോധസമരം സി.പി.എം ഏരിയാ കമ്മിറ്റിയംഗം ആര്‍.എം രാമചന്ദ്രന്‍ ഉദ്ഘാടനം ചെയ്തു. മുന്‍ ഗ്രാമപഞ്ചായത്ത്‌ പ്രസിഡണ്റ്റ്‌ വി.പി മക്കാര്‍ അദ്ധ്യക്ഷത വഹിച്ചു. 
സി.പി.ഐ മണ്ഡലം സെക്രട്ടറി കെ.പി റെജിമോന്‍, ജനതാദള്‍ ജില്ലാ ജനറല്‍ സെക്രട്ടറി ജബ്ബാര്‍ തച്ചയില്‍, കോണ്‍ഗ്രസ്‌ എസ്‌ സാംസ്കാരിക വേദി കണ്‍വീനര്‍ മമ്മി സെഞ്ച്വറി, സി.പി.എം ലോക്കല്‍ സെക്രട്ടറി സി.എം അബ്ദുള്‍ കരിം, കര്‍ഷക സംഘം ഏരിയാ സെക്രട്ടറി കെ.പി അശോകന്‍, സി.പി.ഐ ലോക്കല്‍ സെക്രട്ടറി പി.എന്‍ ഗോപിനാഥ്‌, എല്‍.ഡി.എഫ്‌ കണ്‍വീനര്‍ എം.എ അഷറഫ്‌, കേരള കോണ്‍ഗ്രസ്‌ മണ്ഡലം പ്രസിഡണ്റ്റ്‌ മുസ്തഫ തുടങ്ങിയവര്‍ സംസാരിച്ചു. 
യു.ഡി.എഫ്‌ അധികാരത്തില്‍ വന്നാല്‍ നടപ്പാക്കുമെന്ന്‌ പറഞ്ഞ 36 വാഗ്ദാനങ്ങളില്‍ ഒന്നുപോലും ഇതുവരേയും നടപ്പാക്കാത്തതിലും വികസന മുരടിപ്പിലും പ്രതിഷേധിച്ചായിരുന്നു മാര്‍ച്ച്‌. ഇ.എം.എസ്‌ പാര്‍പ്പിട പദ്ധതി പഞ്ചായത്തില്‍ അവതാളത്തിലായി. കെട്ടിട നികുതി വര്‍ദ്ധനവിനുവേണ്ടി വിളിച്ചു ചേര്‍ത്ത സര്‍വ്വകക്ഷി യോഗതീരുമാനങ്ങള്‍ അട്ടിമറിയ്ക്കപ്പെട്ടു. ഭരണസമിതി ജനങ്ങളുടെ മേല്‍ അധിക നികുതി അടിച്ചേല്‍പ്പിക്കുകയാണ്‌.
നടപ്പുവര്‍ഷത്തെ പട്ടികജാതി ഫണ്ട്‌ കേവലം അറുപത്‌ ശതമാനത്തില്‍ കുറവുമാത്രമാണ്‌ ചെലവഴിച്ചത്‌. 80ശതമാനം നിര്‍ബന്ധമായും ചെലവു ചെയ്യണമെന്നാണ്‌ ചട്ടം. പഞ്ചായത്ത്‌ ഫ്രണ്ട്‌ ഓഫിസിണ്റ്റെ പ്രവര്‍ത്തനങ്ങളും കാര്യക്ഷമമല്ല. പഞ്ചായത്തിലെ കുടിവെള്ളം എത്താത്ത മേഖലകളില്‍ പൈപ്പ്‌ ലൈന്‍ വലിയ്ക്കാനുള്ള പദ്ധതി ഇതേവരെ യാഥാര്‍ത്ഥ്യമായിട്ടില്ല. തെരുവു വിളക്കുകളുടെ അറ്റകുറ്റ പണികള്‍ യഥാസമയം നിര്‍വ്വഹിയ്ക്കാന്‍ കഴിയാത്തത്‌ ഭരണ സമിതിയുടെ പിടിപ്പുകേടാണെന്ന്‌ പ്രതിപക്ഷം പറയുന്നു. 
എന്‍.ആര്‍.എച്ച്‌.എം ഫണ്ടും സംസ്ഥാന സര്‍ക്കാറിണ്റ്റെ സഹായവും ഗ്രാമീണ തൊഴിലുറപ്പ്‌ പദ്ധതിയുമായി സംയോജിപ്പിച്ച്‌ പകര്‍ച്ചവ്യാധികള്‍ തടയാനുള്ള ശ്രമങ്ങള്‍ ഇവിടെ നടപ്പാവുന്നില്ല. 
മാര്‍ച്ചിന്‌ അഡ്വ. പുഷ്പാ ദാസ്‌, കെ.ബി ഹസ്സന്‍, ഷനില്‍കുമാര്‍, റഫിയ ഷെഫീക്ക്‌, സാബിറ അലീര്‍, രാധാകുട്ടന്‍, കെ.കെ സുകു, വി.ജി മനോജ്കുമാര്‍, നന്ദകുമാര്‍, ബിനോയ്‌ പ്ളാവട, അനില്‍കുമാര്‍ തുടങ്ങിയവര്‍ നേതൃത്വം നല്‍കി. മംഗളം 12.07.2012

No comments: