പെരുമ്പാവൂര്‍: കെ.എസ്‌.ആര്‍.ടി.സി ബസ്‌ സ്റ്റാണ്റ്റിന്‌ സമീപം
കോഴി സംസ്കരണ പ്ളാണ്റ്റ്‌ സ്ഥാപിയ്ക്കുന്നതിനെതിരെ നഗരസഭാ ഓഫീസിലേയ്ക്ക്‌
പൌരസമിതിയുടെ നേതൃത്വത്തില്‍ ഇന്ന്‌ മാര്‍ച്ച്‌ നടത്തും.
ഒ.എം.റോഡിണ്റ്റെ അരികില്‍
പുതിയതായി പണിതുയര്‍ത്തിയിട്ടുള്ള കെട്ടിടത്തില്‍ കോള്‍ഡ്‌ സ്റ്റോറേജ്‌
സൌകര്യത്തോടെ കോഴിയിറച്ചി ശീതീകരണ സംസ്കരണ വ്യവസായ സ്ഥാപനം വരുന്നതിനെതിരെയാണ്‌
മാര്‍ച്ച്‌. ഇതിന്‌ ലൈന്‍സന്‍സ്‌ കൊടുക്കുന്നതിനെതിരെ വിവിധ റസിഡണ്റ്റ്സ്‌
അസോസിയേഷനുകളും വ്യക്തികളും മുനിസിപ്പാലിറ്റിയില്‍ പരാതി സമര്‍പ്പിച്ചിരുന്നു.
ഇതിനുപുറമെ സ്ഥാപനത്തിന്‌ ലൈസന്‍സ്‌ അനുവദിയ്ക്കുന്നതിനു മുമ്പ്‌ പരാതികള്‍
നേരിട്ട്‌ കേള്‍ക്കണമെന്ന്‌ ഹൈക്കോടതി നിര്‍ദ്ദേശവുണ്ട്‌.
ഇതനുസരിച്ച്‌ ഇന്ന്‌
വൈകിട്ട്‌ മൂന്നിന്‌ നഗരസഭാ കോണ്‍ഫറന്‍സ്‌ ഹാളില്‍ സെക്രട്ടറി പരാതിക്കാരെ
അക്ഷേപങ്ങള്‍ കേള്‍ക്കാനായി ക്ഷണിച്ചിട്ടുണ്ട്‌. ഈ സാഹചര്യത്തില്‍ സമീപ വാസികളുടെ
വികാരം ബന്ധപ്പെട്ട അധികാരികളുടെ ശ്രദ്ധയില്‍പ്പെടുത്തുന്നതിനാണ്‌ മാര്‍ച്ച്‌.
നിര്‍ദ്ദിഷ്ട വ്യവസായ സ്ഥാപനത്തിന്‌ മുന്നില്‍ നിന്ന്‌ ഉച്ചകഴിഞ്ഞ്‌ 2 ന്‌
മാര്‍ച്ച്‌ തുടങ്ങുമെന്ന്‌ ചെയര്‍മാന്‍ പി.എസ്‌ സുബിന്‍, ജനറല്‍ കണ്‍വീനര്‍ എ.വി
ജെയ്സിങ്ങ്‌ എന്നിവര്‍ അറിയിച്ചു.
മംഗളം 19.07.12
No comments:
Post a Comment