പെരുമ്പാവൂര്‍: പുല്ലുവഴി സെന്റ് തോമസ് കത്തോലിക്കാ പള്ളിയില്‍ മോഷണ ശ്രമം.
ഇന്നലെ പുലര്‍ച്ചെ പള്ളിയുടെ പിന്നിലുള്ള വാതിലിന്റെ പാളി കുത്തിപ്പൊളിച്ച ശേഷമാണ് മോഷ്ടാക്കള്‍ അകത്തു കടന്നത്. പിന്നിട് അള്‍ത്താരയ്ക്ക് മുന്നില്‍ സ്ഥാപിച്ചിരുന്ന കൂറ്റന്‍ ഭണ്ഡാരം എടുത്ത് പുറത്തേക്ക് മാറ്റിയ ശേഷം തകര്‍ക്കാന്‍ ശ്രമിച്ചു. പള്ളിയില്‍ നിന്ന് അപ്രതീക്ഷിതമായ ശബ്ദങ്ങള്‍ കേട്ടതിനെ തുടര്‍ന്ന് പുറത്തെ വെയ്ബ്രിഡ്ജിലുണ്ടായിരുന്നവര്‍ എത്തിയപ്പോഴേക്കും മോഷ്ടാക്കള്‍ ഓടി രക്ഷപ്പെട്ടു.
മോഷണ സംഘത്തില്‍ ഒന്നിലേറെ പേര്‍ ഉണ്ടാകുമെന്നാണ് അനുമാനം. കാരണം വലിയ ഭണ്ഡാരം പുറത്തേക്ക് എടുക്കണമെങ്കില്‍ കൂടുതല്‍ പേര്‍ കൂടിയേ കഴിയൂ.
കുറുപ്പംപടി പോലീസ് സ്ഥലത്ത് എത്ത് അന്വേഷണം തുടങ്ങി. വിരലടയാള വിദഗ്ധരും ഇന്നലെ പള്ളിയിലെത്തിയിരുന്നു.
മംഗളം 14.11.2013
No comments:
Post a Comment