പെരുമ്പാവൂര്‍: നിയന്ത്രണം വിട്ട കാര്‍ കാല്‍നട യാത്രക്കാര്‍ക്ക് ഇടയിലേയ്ക്ക് ഇടിച്ചുകയറി 15 വയസുകാരന്‍ മരിച്ചു. മാതാപിതാക്കള്‍ ഉള്‍പ്പടെ നാലുപേര്‍ക്ക് പരുക്ക്.
തൃശൂര്‍ മുതുവറ ചുള്ളിപ്പറമ്പില്‍ വീട്ടില്‍ സുരേഷിന്റെ മകന്‍ എബിന്‍ ആണ് മരിച്ചത്. എബിന്റെ പിതാവ് സുരേഷ് (42), അമ്മ മഞ്ജു (40), വേങ്ങൂര്‍ പുത്തന്‍പുരയ്ക്കല്‍ വീട്ടില്‍ വിഷ്ണു (36) എന്നിവരെ എറണാകുളം മെഡിയ്ക്കല്‍ ട്രസ്റ്റ് ആശുപത്രിയിലും കോട്ടപ്പടി മംഗലത്ത് വീട്ടില്‍ വിറ്റോ (30)യെ പെരുമ്പാവൂര്‍ സാന്‍ജോ ആശുപത്രിയിലും പ്രവേശിപ്പിച്ചു.
ഇന്നലെ ഉച്ചയ്ക്ക് ഒന്നരയ്ക്ക് കുറുപ്പംപടി പള്ളിയ്ക്ക് സമീപമായിരുന്നു അപകടം. കുറുപ്പംപടി അജന്താ സ്റ്റുഡിയോ ഉടമ റെജിയുടെ കാറാണ് നിയന്ത്രണം വിട്ടത്.
മരിച്ച എബിന്റെ കുടുംബം ഒരാഴ്ച മുമ്പാണ് തൃശൂരില്‍ നിന്ന് എത്തി വേങ്ങൂരില്‍ താമസമാക്കിയത്. എബിന്റെ മാതാപിതാക്കളുടേയും നില ഗുരുതരമാണ്. കുറുപ്പംപടി പോലീസ് മേല്‍നടപടികള്‍ സ്വീകരിച്ചു.
മംഗളം 15.05.2013
No comments:
Post a Comment