പെരുമ്പാവൂരുമായി ബന്ധപ്പെട്ട വാര്‍ത്തകള്‍ അറിയാന്‍ ഇമെയില്‍ വിലാസം താഴെ ചേര്‍ക്കൂ

Saturday, May 4, 2013

വെങ്ങോല ഗ്രാമപഞ്ചായത്ത് ഓഫീസിലേയ്ക്ക് ഡി.വൈ.എഫ്.ഐ മാര്‍ച്ച്; ഓഫീസ് ഉപകരണങ്ങള്‍ തല്ലിതകര്‍ത്തെന്ന് പ്രസിഡന്റ്



കാരുണ്യ ഹൃദയതാളം പദ്ധതി 


പെരുമ്പാവൂര്‍: വെങ്ങോല ഗ്രാമപഞ്ചായത്തില്‍ നടപ്പാക്കുന്ന കാരുണ്യ ഹൃദയതാളം പദ്ധതിയിലെ ക്രമക്കേടുകള്‍ക്കെതിരെ ഡി.വൈ.എഫ്.ഐ സംഘടിപ്പിച്ച മാര്‍ച്ച് അക്രമാസക്തമായെന്നും ഓഫീസ് ഉപകരണങ്ങള്‍ തല്ലിത്തകര്‍ത്തെന്നും പ്രസിഡന്റ്.
പഞ്ചായത്ത് സെക്രട്ടറിയുടെ പോലും അറിവോ സമ്മതമോ കൂടാതെ രസീതുകളും കൂപ്പണുകളും അച്ചടിച്ച് പഞ്ചായത്തില്‍ വ്യാപകമായ രീതിയില്‍ അനധികൃത പണപ്പിരിവ് നടത്തുന്നുവെന്നാരോപിച്ചാണ് പ്രതിപക്ഷ മെമ്പര്‍മാരുടെയും ഡി.വൈ.എഫ്.ഐയുടേയും നേതൃത്വത്തില്‍ മാര്‍ച്ചും ധര്‍ണയും നടത്തിയത്. മാര്‍ച്ചില്‍ പങ്കെടുത്തവര്‍ ഓഫീസിലേയ്ക്ക് അതിക്രമിച്ച് കയറിയെന്നും പ്രവര്‍ത്തനങ്ങള്‍ സ്തംഭിപ്പിച്ചെന്നും ഓഫീസ് ഉപകരണങ്ങള്‍ തല്ലിത്തകര്‍ത്തെന്നും പ്രസിഡന്റ് എം.എം അവറാന്‍ പത്രക്കുറിപ്പില്‍ ആരോപിച്ചു.
അതേ സമയം സമരക്കാര്‍ പഞ്ചായത്ത് ഓഫീസിലേയ്ക്ക് ഇരച്ച് കയറിയെങ്കിലും യാതൊരു അക്രമപ്രവര്‍ത്തങ്ങളും നടത്തിയിട്ടില്ലെന്ന് ഡി.വൈ.എഫ്.ഐ നേതാക്കളും പറയുന്നു. കള്ളകേസുണ്ടാക്കി പദ്ധതിയുമായി ബന്ധപ്പെട്ട ക്രമക്കേടുകള്‍ ജനങ്ങളില്‍ നിന്ന് മറയ്ക്കുകയാണ് ഭരണ സമിതിയുടെ ലക്ഷ്യമെന്നും ഇവര്‍ കൂട്ടിച്ചേര്‍ത്തു.
മാര്‍ച്ച് ഡി.വൈ.എഫ്.ഐ ജില്ലാ വൈസ് പ്രസിഡന്റ് കെ.എം അന്‍വര്‍ അലി ഉദ്ഘാടനം ചെയ്തു. വില്ലേജ് കമ്മിറ്റി പ്രസിഡന്റ് എം.എം അജീഷ് അദ്ധ്യക്ഷത വഹിച്ചു.
സി.പി.എം ഏരിയ കമ്മിറ്റി അംഗം എം.ഐ ബീരാസ്, ഡി.വൈ.എഫ്.ഐ ബ്ലോക്ക് പ്രസിഡന്റ് പി.എസ് സുബിന്‍, സി.എം നസീര്‍, ഗ്രാമപഞ്ചായത്തംഗം കെ.വി ഗോപാലകൃഷ്ണന്‍, എ.എച്ച് ഷിഹാബ്, അഡ്വ. ബേസില്‍ കുര്യാക്കോസ് തുടങ്ങിയവര്‍ പ്രസംഗിച്ചു.
പോലീസ് നോക്കി നില്‍ക്കെ പഞ്ചായത്ത് വളപ്പില്‍ ഡി.വൈ.എഫ്.ഐ പ്രവര്‍ത്തകര്‍ അക്രമം കാണിച്ചതിനെതിരെ ഇന്ന് വൈകിട്ട് വെങ്ങോല കവലയില്‍ പ്രതിഷേധയോഗം ചേരുന്നുണ്ട്

മംഗളം 4.05.2013


No comments: