പെരുമ്പാവൂര്‍: നിര്‍ത്താതെ പെയ്യുന്ന മഴയില്‍ കൂവപ്പടി ഗ്രാമപഞ്ചായത്തില്‍ ഏകദേശം 9 കോടിയില്‍പരം രൂപയുടെ കൃഷി നാശം ഉണ്ടായിട്ടുണ്ടെന്ന് പ്രസിഡന്റ് പി.വൈ പൗലോസ് അറിയിച്ചു.
മുങ്കുഴി, ചേരാനല്ലൂര്‍, എടത്തന, പാണ്ടോല, തോട്ടുവ, അമേയ്പാടം, കുറിച്ചിലക്കോട്, ചെട്ടിനട, ആലാട്ടുചിറ, മദ്രാസ് കവല, ഐമുറി, വാച്ചാല്‍, കിഴക്കേ ഐമുറി, കയ്യുത്തിയാല്‍, പടിയ്ക്കലപ്പാറ, തൊടാപ്പറമ്പ് എന്നിവിടങ്ങളിലാണ് കൃഷികള്‍ നശിക്കുന്നത്. കുലച്ചതും കുലയ്ക്കാറായതുമായ ആയിരക്കണക്കിന് വാഴകള്‍ കടപുഴകി മറിഞ്ഞു കൊണ്ടിരിക്കുകയാണ്.
വെള്ളക്കെട്ട് മൂലം വാഴ, ജാതി, കപ്പ, എന്നിവ വേര് ചീഞ്ഞ് കടപുഴകി വീഴുന്നു. നെല്‍കൃഷി മുളപൊട്ടിയ വിത്തുകള്‍ ഒഴുകിപ്പോയ അവസ്ഥയിലാണ്. കര്‍ഷകര്‍ വിവിധ ബാങ്കുകളില്‍ നിന്നും സഹകരണ സംഘങ്ങളില്‍ നിന്നും വായ്പ്പയെടുത്തിട്ടാണ് കൃഷികള്‍ ഇറക്കിയിരിക്കുന്നത്
കൃഷി നശിച്ച സ്ഥലങ്ങള്‍ പഞ്ചായത്ത് പ്രസിഡന്റ് പി.വൈ പൗലോസ്, കൃഷി ഓഫീസര്‍ പ്രദീപ് എന്നിവര്‍ സന്ദര്‍ശിച്ചു. കൃഷി നശിച്ചവര്‍ക്ക് അടിയന്തിര സാമ്പത്തിക സഹായം നല്‍കണമെന്ന് ഗവണ്‍മെന്റിനോടും ജില്ലാ കളക്ടറോടും പ്രസിഡന്റ് പി.വൈ പൗലോസ് ആവശ്യപ്പെട്ടു.
മംഗളം 28.06.2013
No comments:
Post a Comment