പെരുമ്പാവൂര്‍: നഗരസഭ ഇരുപത്തഞ്ചാം വാര്‍ഡിലെ പാറപ്പുറം-സൗത്ത് വല്ലം റോഡരികിലുള്ള പൊട്ടയ്ക്കല്‍ചിറ കൊതുക് വളര്‍ത്തല്‍ കേന്ദ്രമായി.
തുടര്‍ച്ചയായ മഴയില്‍ വെള്ളം നിറഞ്ഞ ചിറയിലെ മാലിന്യങ്ങള്‍ ചീഞ്ഞളിഞ്ഞതോടെ പരിസരവാസികള്‍ക്ക് സഹിക്കാനാവാത്ത ദുര്‍ഗന്ധമായി. പ്ലാസ്റ്റിക് മാലിന്യങ്ങള്‍ ഉള്‍പ്പെടെ ഇവിടെ തള്ളിയിരുന്നു.
ഇരുപത്തിയാറാം വാര്‍ഡില്‍ മുസ്ലിം പള്ളിക്ക് സമീപം കഴിഞ്ഞ വര്‍ഷം തുടങ്ങിയ ചപ്പാത്തിന്റെ ദിശ കൃത്യമായി നിര്‍ണയിക്കാത്തതിനാല്‍ റോഡില്‍ കനത്ത വെള്ളക്കെട്ടാണ്. നഗരസഭ അധികൃതര്‍ പരിഹാരമുണ്ടാക്കണമെന്നാവശ്യപ്പെട്ട് സമൂഹ്യ പ്രവര്‍ത്തകനായ എം.ബി ഹംസ നിവേദനം നല്‍കിയിട്ടുണ്ട്.
മംഗളം 26.06.2013
1 comment:
ദ്രോഹം
Post a Comment