പെരുമ്പാവൂറ്‍: ടൌണിലെ റോഡുകളിലും അറ്റകുറ്റപ്പണികള്‍ തുടങ്ങി.
മഴയ്ക്ക്‌ മുമ്പ്‌ റോഡുകള്‍ ഗതാഗത യോഗ്യമാക്കുമെന്ന മുഖ്യമന്ത്രിയുടെ ഉറപ്പിനെ തുടര്‍ന്നാണിത്‌. ഇന്നലെ ആലുവ-മൂന്നാര്‍ റോഡില്‍ പ്രൈവറ്റ്‌ ബസ്‌ സ്റ്റാണ്റ്റ്‌ മുതല്‍ കാലടി കവല വരെയുള്ള ഭാഗമാണ്‌ നന്നാക്കിയത്‌. ടൌണിണ്റ്റെ ഹൃദയഭാഗമായ ഇവിടെ റോഡില്‍ മുഴുവന്‍ കുണ്ടുംകുഴിയുമായിരുന്നു. ഇതിനപുറമെ ഔഷധി കവലയില്‍ നിന്ന്‌ ശ്രീധര്‍മ്മ ശാസ്താ ക്ഷേത്രത്തിനു സമീപത്തുകൂടിയുള്ള സര്‍ക്കാര്‍ ആശുപത്രി ഭാഗത്തേയ്ക്കുള്ള വണ്‍വേയിലും അറ്റകുറ്റപ്പണികള്‍ നടന്നു.
അറ്റകുറ്റപ്പണികള്‍ നടക്കുന്നതിനാല്‍ ഇന്നലെ ടൌണിലെ ഗതാഗതക്കുരുക്ക്‌ രൂക്ഷമായി. കാലടിക്കവലയിലെ സിഗ്നല്‍ വിളക്കുകള്‍ മൂലം പതിവുള്ള ഗതാക്കുരുക്കിനു പുറമെയുണ്ടായ യാത്രാതടസം ജനത്തെ അക്ഷരാര്‍ത്ഥത്തില്‍ വലച്ചു.. (2007 ഒക്ടൊബര്‍ ഒമ്പത്‌)
No comments:
Post a Comment