പെരുമ്പാവൂര്‍: ക്രൈസ്തവ ചിന്തകനും എഴുത്തുകാരനുമായിരുന്ന വളയന്‍ചിറങ്ങര തുരുത്തിപ്ലി ആനന്ദഭവന്‍ ടി.എസ് ബാലന്‍ (ബാലകൃഷ്ണന്‍ നായര്‍-57) നിര്യാതനായി. മൃതദേഹം മലമുറി സാംസണ്‍ ഓഡിറ്റോറിയത്തില്‍ നാളെ രാവിലെ 10 മുതല്‍ പൊതുദര്‍ശനത്തിന് വച്ചശേഷം പെരുമ്പാവൂര്‍ ഷാരോണ്‍ ഫെലോഷിപ്പ് ചര്‍ച്ച് സെമിത്തേരിയില്‍ ഉച്ചയ്ക്ക് 12.30 ന് സംസ്‌കരിക്കും.
പതിനെട്ടാം വയസില്‍ ക്രിസ്തീയ വിശ്വാസത്തിലേക്ക് വഴി മാറിയ ബാലന്‍ പത്ത് വര്‍ഷത്തോളം നാഗാലാന്റില്‍ സ്വന്തമായി സ്‌കൂള്‍ നടത്തിയിരുന്നു. പിന്നീട് പെരുമ്പാവൂരില്‍ നിന്നും ദി ഡിഫെന്റര്‍ എന്ന ക്രിസ്ത്യന്‍ ദൈ്വവാരിക തുടങ്ങി. പെരുമ്പാവൂര്‍ ന്യൂസ് എന്ന പേരില്‍ ഒരു പ്രാദേശിക പത്രവും ഇദ്ദേഹം നടത്തിയിരുന്നു. ക്രൈസ്തവ സഭകളിലെ അനീതികള്‍ ചൂണ്ടിക്കാണിച്ചതിന്റെ പേരില്‍ ബാലനും പ്രസിദ്ധീകരണവും പലപ്പോഴും നിയമക്കുരുക്കുകളില്‍പ്പെട്ടു.
അടിസ്ഥാന വേദോപദേശങ്ങള്‍, മരിച്ചവരെവിടെ തുടങ്ങിയ പത്തോളം പുസ്തകങ്ങള്‍ ഇദ്ദേഹത്തിന്റേതായുണ്ട്. ഭാര്യ: അനന്ദവല്ലി. മക്കള്‍: പരേതനായ അഭീഷ്, അനീഷ്, അനിത, അജിത, അക്‌സ.
മംഗളം 26.07.2013
No comments:
Post a Comment