പെരുമ്പാവൂരുമായി ബന്ധപ്പെട്ട വാര്‍ത്തകള്‍ അറിയാന്‍ ഇമെയില്‍ വിലാസം താഴെ ചേര്‍ക്കൂ

Thursday, November 27, 2008

പോലീസിണ്റ്റെ വാഹനപരിശോധനയ്ക്കിടയില്‍ വാഹനമോഷ്ടാക്കള്‍ പിടിയിലായി

25.7.2008

പെരുമ്പാവൂറ്‍: കുറുപ്പംപടി പോലീസ്‌ വാഹന പരിശോധന നടത്തുന്നതിന്നിടയില്‍ വാഹനമോഷ്ടാക്കളായ യുവാക്കള്‍ പിടിയിലായി.

കൊല്ലം പരവൂറ്‍ കുഴിക്കര സ്വദേശി ഇരപ്പക്കഴിയം വീട്ടില്‍ ബിജു (24), മുള്ളുവിള വീട്ടില്‍ ജയന്‍ (28) എന്നിവരാണ്‌ പിടിയിലായത്‌. പരിശോധന നടത്തുന്നതിന്നിടയില്‍ വാഹനത്തിണ്റ്റെ നമ്പറില്‍ സംശയം തോന്നിയതിനെ തുടര്‍ന്ന്‌ നടത്തിയ അന്വേഷണത്തിലാണ്‌ പ്രതികള്‍ കുടുങ്ങിയത്‌. മേതല ചിറ്റായത്ത്‌ നോബിയുടെ സ്പ്ളെണ്റ്റര്‍, തൃശൂറ്‍ കൊക്കാല മുഹമ്മദ്‌ യൂസഫിണ്റ്റെ യമഹ, മൂവാറ്റുപുഴയില്‍ നിന്ന്‌ മോഷ്ടിച്ച സ്പ്ളെണ്റ്റര്‍ ബൈക്കുകളും ഇവരില്‍ നിന്ന്‌ കണ്ടെടുത്തിട്ടുണ്ട്‌. ഇരുവരേയും കോടതി റിമാണ്റ്റ്‌ ചെയ്തു.

ആറുമാസമായി മണ്ണൂരില്‍ വാടകയ്ക്ക്‌ താമസിക്കുന്ന ഇവര്‍ നിരവധി അടിപിടി കേസുകളിലും പ്രതികളാണ്‌. മോഷ്ടിച്ച മൊബൈല്‍ ഫോണുകളും ഇവരില്‍ നിന്ന്‌ പിടിച്ചെടുത്തിട്ടുണ്ട്്‌. പിടിയിലായവര്‍ അന്തര്‍ സംസ്ഥാന വഹനമോഷണ സംഘത്തിലെ കണ്ണികളാണെന്ന്‌ സംശയിക്കുന്നതായി പോലീസ്‌ വെളിപ്പെടുത്തി.

No comments: