Thursday, November 27, 2008

ചേലാമറ്റത്ത്‌ ആയിരങ്ങള്‍ പിതൃതര്‍പ്പണം നടത്തി

1.8.2008

പെരുമ്പാവൂറ്‍: ദക്ഷിണ കാശിയെന്ന്‌ അറിയപ്പെടുന്ന ചേലാമറ്റം ശ്രീകൃഷ്ണ സ്വാമി ക്ഷേത്രത്തില്‍ ആയിരങ്ങള്‍ പിതൃതര്‍പ്പണം നടത്തി.

മോക്ഷദായക ധ്യാനത്തിലുള്ള ശ്രീകൃഷ്ണനും നരസിംഹ-വാമന മൂര്‍ത്തികളും ഉള്ള ക്ഷേത്രസമുച്ചയത്തിനു വലതുഭാഗത്തുകൂടി കിഴക്കോട്ട്‌ ഒഴുകുന്ന പൂര്‍ണ നദിയില്‍ ബലി തര്‍പ്പണം നടത്തുന്നത്‌ കാശിയില്‍ പിതൃതര്‍പ്പണം നടത്തുന്നതിന്‌ തുല്യമാണെന്നാണ്‌ സങ്കല്‍പം. അതുകൊണ്ടു തന്നെ വ്യാഴാഴ്ച രാത്രി മുതല്‍ തന്നെ ക്ഷേത്രത്തിലേയ്ക്ക്‌ ആയിരങ്ങള്‍ എത്തി ചേര്‍ന്നു. പുലര്‍ച്ചെ ബലിയിട്ടു മടങ്ങി. ക്ഷേത്രത്തിലും കടവിലും ഒരുക്കിയ വിശാലമായ പന്തലിലായിരുന്നു ബലിതര്‍പ്പണം.

No comments: