22.7.2008
പെരുമ്പാവൂറ്‍: പാലക്കാട്ടുതാഴം കവലയില്‍ നിന്ന്‌ എം.സി റോഡിലെ വല്ലം, വട്ടയ്ക്കാട്ടുപടി ഭാഗങ്ങളിലേയ്ക്ക്‌ ബൈപാസ്‌ റോഡുകള്‍ നിര്‍മ്മിയ്ക്കുന്ന കാര്യം സര്‍ക്കാര്‍ പരിഗണനയില്‍.
ബൈപാസ്‌ റോഡുകള്‍ സംബന്ധിച്ചും പാലക്കാട്ടുതാഴം കവല വികസനം സംബന്ധിച്ചും സാജു പോള്‍ എം.എല്‍.എ ഉന്നയിച്ച സബ്മിഷന്‌ മറുപടിയായി പൊതുമരാമത്ത്‌ മന്ത്രി മോന്‍സ്‌ ജോസഫ്‌ നല്‍കിയ മറുപടിയിലാണ്‌ ഇക്കാര്യം വ്യക്തമാക്കിയത്‌. ആലുവ-മൂന്നാര്‍ റോഡും ആലുവ-പെരുമ്പാവൂറ്‍ റോഡും സന്ധിയ്ക്കുന്ന പ്രധാന കവലയാണ്‌ പാലക്കാട്ടുതാഴം. ഏറെ തിരക്കേറിയ ഈ കവലയുടെ വികസനം അനിവാര്യമാണ്‌. ഇരുവശത്തും നെല്‍വയലുകളുള്ള ഈ കവലയില്‍ റോഡിണ്റ്റെ വീതി കൂട്ടി സംരക്ഷണ ഭിത്തി നിര്‍മ്മിയ്ക്കേണ്ടതുണ്ട്‌. ഇതിനു വേണ്ടി പതിനഞ്ചു ലക്ഷം രൂപയുടെ എസ്റ്റിമേറ്റ്‌ തയ്യാറാക്കിയതായും മന്ത്രി അറിയിച്ചു. ഇതിണ്റ്റെ നിര്‍മ്മാണ പ്രവര്‍ത്തനങ്ങള്‍ ഉടന്‍ തുടങ്ങും.
No comments:
Post a Comment